Junior Data & Automation Analyst

Vakansiya haqqında

Bakı, Azərbaycan Tam iş günü

Vəzifə haqqında

Mochiki MMC satış, istehsal və anbar məlumatlarını toplayıb təhlil edəcək, hesabat və dashboard-lar hazırlayacaq, təkrarlanan məlumat axınlarını və hesabatlılığı n8n, Power BI kimi alətlərlə avtomatlaşdıracaq Junior Data & Automation Analyst axtarır. Vəzifə data analitikası və proses avtomatlaşdırması sahəsində inkişaf etmək istəyən namizədlər üçün nəzərdə tutulub.

Əsas vəzifə öhdəlikləri

• Satış kanalları (filiallar, market şəbəkələri, B2B, onlayn), istehsal və anbar üzrə məlumatların toplanması, yoxlanılması və sistemləşdirilməsi.
• Gündəlik, həftəlik və aylıq hesabatların müəyyən olunmuş formatlarda hazırlanması.
• Plan-fakt müqayisələrinin aparılması, kənarlaşmaların müəyyən edilməsi və rəhbərliyə təqdim edilməsi.
• Satış dinamikası, məhsul çeşidi və filial göstəriciləri üzrə təhlillərin hazırlanması.
• Məlumat keyfiyyətinə nəzarət: mənbələr arasında uyğunsuzluqların aşkarlanması və aidiyyəti komandalara bildirilməsi.
• Excel modellərinin və hesabat şablonlarının aparılması və təkmilləşdirilməsi.
• Dashboard-ların və vizual hesabatların qurulması və aktual saxlanması (Power BI və ya analoq).
• Avtomatlaşdırma ssenarilərinin qurulması və dəstəklənməsi (n8n, Power Automate, Zapier və ya analoq): məlumatların avtomatik toplanması, hesabatların avtomatik formalaşdırılması və göndərilməsi, bildiriş və xəbərdarlıqlar.
• ERP və digər sistemlərdən məlumatların çıxarılması və emalı; məlumat mənbələrinin avtomatlaşdırılmış proseslərə inteqrasiyası.
• KPI göstəricilərinin hesablanmasına və izlənməsinə dəstək.
• Rəhbərliyin sorğusu əsasında birdəfəlik (ad-hoc) təhlillərin hazırlanması.
• İclas materiallarının və təqdimatların hazırlanmasında iştirak.
• Tutduğu vəzifənin funksiyasına uyğun olaraq rəhbərlik tərəfindən verilən digər tapşırıqların icrası.

Tələblər

• Ali təhsil (iqtisadiyyat, maliyyə, riyaziyyat, statistika, informatika, biznes idarəetməsi və ya əlaqəli sahə).
• MS Excel — yüksək səviyyə (formullar, pivot cədvəllər, axtarış funksiyaları, qrafiklər).
• Avtomatlaşdırma alətlərinə (n8n, Power Automate, Zapier və ya analoq) maraq və baza səviyyədə tanışlıq — kiçik şəxsi layihələrdən ibarət portfolio belə üstünlükdür.
• Analitik düşüncə, rəqəmlərlə işləmə dəqiqliyi və detallara diqqət.
• Nəticələri sadə və aydın formada təqdim etmə bacarığı.
• Məsuliyyət, öyrənmə həvəsi və komandada işləmə bacarığı.
• Azərbaycan dili mütləqdir; ingilis və/və ya rus dili üstünlükdür.
• Təcrübə tələb olunmur; analitika, hesabatlılıq və ya avtomatlaşdırma sahəsində 1 ilə qədər təcrübə (təcrübə proqramı daxil) üstünlükdür.
• Power BI, SQL, Python və ya API əsasları üstünlükdür.
• ERP sistemləri ilə tanışlıq üstünlükdür.

Təklif edirik

• Rəqabətli əmək haqqı və rəsmi əmək müqaviləsi.
• Sabit, tam ştat iş (Bakı).
• Data analitikası və avtomatlaşdırma sahəsində praktiki inkişaf və mentorluq.
• Peşəkar iş mühiti və karyera imkanları.

Müraciət qaydası

CV-nizi «Junior Data & Automation Analyst» mövzusu ilə info@mochiki.az ünvanına göndərməyiniz xahiş olunur.