Məxfilik siyasəti
Son yenilənmə: 7 oktyabr 2026
Hansı məlumatları toplayırıq
- Hesab məlumatları: ad, e-poçt, telefon (istəyə bağlı) və şifrənin şifrələnmiş forması.
- CV məlumatları: vəzifə, sahə, şəhər, təcrübə, bacarıqlar, təhsil, maaş gözləntisi və yüklədiyiniz CV faylı.
- Şirkət məlumatları: şirkətin adı, sahəsi, loqosu, vakansiyaları və hesab sahibinin əlaqə məlumatları.
- Texniki məlumatlar: IP ünvanı və brauzer məlumatı — yalnız təhlükəsizlik və sui-istifadənin qarşısını almaq üçün.
CV-niz kimlərə görünür
CV bazasında CV-niz anonim göstərilir: adınız, telefonunuz, e-poçtunuz və CV faylınız ictimai səhifədə yoxdur. Vəzifə, təcrübə, bacarıqlar, təhsil və maaş gözləntisi açıq görünür və axtarış sistemlərində indekslənə bilər.
Əlaqə məlumatlarınız yalnız iki halda şirkətə açılır: siz həmin şirkətin vakansiyasına müraciət etdikdə və ya qeydiyyatlı şirkət CV-nizin əlaqə məlumatlarını açdıqda. Hesabınızda «CV-m CV bazasında görünsün» seçimini söndürsəniz, CV-niz bazadan dərhal çıxır.
Məlumatlardan necə istifadə edirik
- CV ilə vakansiyaları uyğunlaşdırmaq və uyğunluq faizini göstərmək;
- müraciət, dəvət və status dəyişiklikləri barədə bildiriş göndərmək;
- elanları yoxlamaq, saxta və qanunsuz elanların qarşısını almaq.
Məlumatlarınızı üçüncü tərəflərə satmırıq və reklam məqsədilə ötürmürük.
Kukilər
Sayt yalnız işləməsi üçün zəruri kukilərdən istifadə edir: hesaba giriş sessiyası və baxış sayğacının təkrarlanmaması. Google Analytics qoşulubsa, ziyarət statistikası anonim toplanır.
Məlumatların silinməsi
Hesabınızı və bütün məlumatlarınızı silmək üçün bizə yazın və ya salam@ishvar.az ünvanına müraciət edin — 7 gün ərzində silinir. Artıq göndərilmiş müraciətlərin nüsxəsi şirkətin özündə qala bilər.