Direct Sales Manager — ERP / B2B

Vakansiya haqqında

İş yeri: Bakı

İş rejimi: Tam iş günü

Biz kimik?

• Prospect Cloud ERP şirkətlərin biznes proseslərini daha səmərəli idarə etməsi üçün SaaS (Software as a Service) texnologiyası əsasında bulud ERP həlləri təqdim edir.Abunə modeli sayəsində müştərilərimiz ilkin böyük investisiya etmədən, server infrastrukturu qurmadan və mürəkkəb texniki prosesləri öz üzərlərinə götürmədən ERP sistemindən istifadə edə bilirlər. Müxtəlif biznes ehtiyaclarına uyğun aylıq paketlərimiz şirkətlərə xərclərini optimallaşdırmaq və əməliyyatlarını rəqəmsallaşdırmaq imkanı yaradır.Hazırda satış komandamızı genişləndirir və korporativ müştərilərlə birbaşa görüşlər keçirərək satış prosesini müqavilənin bağlanmasına qədər idarə edəcək Direct Sales Manager axtarırıq.
• Vəzifənin əsas məqsədi:Potensial korporativ müştərilərlə üzbəüz görüşlər keçirmək, onların biznes ehtiyaclarını müəyyənləşdirmək, Prospect Cloud ERP həllini təqdim etmək, ilkin demo nümayişini həyata keçirmək, ilkin depoziti almaq, müqaviləni bağlamaq və yeni müştərini təlim şöbəsinə təhvil vermək.

Əsas vəzifələr

• Marketinq və telesales komandası tərəfindən müəyyən edilmiş potensial müştərilərlə birbaşa görüşlər keçirmək.
• Şirkətlərin mövcud biznes proseslərini, avtomatlaşdırma ehtiyaclarını və istifadə etdikləri proqram təminatlarını təhlil etmək.
• Prospect Cloud ERP sisteminin üstünlüklərini, funksionallığını və aylıq abunə modelini müştərinin ehtiyaclarına uyğun təqdim etmək.
• Müştərilərə məhsulun ilkin demo versiyasını nümayiş etdirmək.
• Müştərilərin suallarını cavablandırmaq, etirazlarla işləmək və satış danışıqlarını aparmaq.
• Satış şərtləri üzrə ilkin razılıq əldə etmək, müqavilənin bağlanmasını təmin etmək və nəzərdə tutulan depoziti almaq.
• Müştəri ilə bir aylıq sınaq müddətinin başlanmasını razılaşdırmaq və satış şərtlərini aydın izah etmək.
• Müqaviləsi bağlanmış və sınaq mərhələsinə keçirilmiş müştəriləri bütün zəruri məlumatlarla birlikdə təlim şöbəsinə təhvil vermək.
• Görüşlərin, satış mərhələlərinin və nəticələrin CRM sistemində qeydiyyatını aparmaq.
• Fəaliyyətini satış planı və müəyyən edilmiş KPI-lar əsasında təşkil etmək.

Namizədə tələblər

• B2B satış və korporativ müştərilərlə işləmək təcrübəsi.
• Üzbəüz görüşlər keçirmək, təqdimat etmək və kommersiya danışıqları aparmaq bacarığı.
• Müştərinin ehtiyaclarını müəyyənləşdirmək və uyğun həll təklif etmək qabiliyyəti.
• Satış prosesini ilkin görüşdən müqavilənin bağlanmasına qədər idarə etmək bacarığı.
• Güclü kommunikasiya, inandırma və etirazlarla işləmə bacarıqları.
• Nəticəyönümlü olmaq, satış hədəflərinə fokuslanmaq və müstəqil işləməyi bacarmaq.
• Azərbaycan dilində sərbəst ünsiyyət qurmaq.
• CRM sistemləri və ofis proqramlarından istifadə bacarığı.

Xüsusi üstünlük veriləcək namizədlər

Aşağıdakı təcrübəyə malik namizədlərin müraciətləri xüsusi üstünlüklə qiymətləndiriləcək:

• 1C, Logo, Mikro və digər ERP və ya mühasibat proqram təminatlarının satışında, tətbiqində və ya müştərilərə təqdimatında təcrübəsi olanlar.
• ERP sistemlərinin tətbiqi ilə məşğul olan şirkətlərdə çalışmış şəxslər.
• Mühasibatlıq, avtomatlaşdırma və biznes proqram təminatları sahəsində korporativ müştəri portfeli formalaşdırmış namizədlər.
• Aktiv biznes əlaqələri və potensial müştərilərlə görüş təşkil etmək imkanı olan şəxslər.
• SaaS və abunə əsaslı proqram təminatlarının satışında təcrübəsi olanlar.

Xüsusi qeyd: ERP həlləri üzrə təcrübəsi olan, korporativ müştəri bazasına malik namizədlərin müraciətləri prioritet qaydada nəzərdən keçiriləcək. Müvafiq müştəri əlaqələrinin mövcudluğu və yeni satış imkanları yaratmaq bacarığı mühüm üstünlükdür.

Biz nə təklif edirik?

• Müasir bulud texnologiyaları və biznes avtomatlaşdırılması sahəsində işləmək imkanı.
• Hazır marketinq və telesales fəaliyyəti ilə dəstəklənən satış prosesi.
• 1000 AZN baza əməkhaqqı +Satış nəticələrinə əsaslanan bonus və motivasiya imkanları.
• Peşəkar inkişaf və gəlir imkanlarını artırmaq perspektivi.
• Satışdan sonrakı mərhələdə təlim şöbəsinin iştirakı ilə təşkil olunmuş müştəri təhvil prosesi.
• İnkişaf edən texnologiya şirkətində karyera qurmaq imkanı.

Əgər ERP sektorunda təcrübəniz, korporativ müştərilərlə iş bacarığınız və satış nəticələri əldə etmək motivasiyanız varsa, CV-nizi Müraciət et düyməsində qeyd olunan elektron poçt ünvanına göndərin. Müraciət zamanı əvvəlki iş təcrübənizi, işlədiyiniz ERP proqramlarını, korporativ müştərilərlə iş təcrübənizi və əldə etdiyiniz satış nəticələrini qeyd etməyiniz tövsiyə olunur.