Aparıcı Mühasib

Vakansiya haqqında

CONCEPT Group restoran və catering sahəsində həyata

keçirdiyi layihələrin genişlənməsi ilə əlaqədar mühasibatlıq şöbəsini gücləndirir.

Biz sadəcə gündəlik mühasibat əməliyyatlarını icra edən əməkdaş

axtarmırıq; biz mühasibat uçotunun bütün əsas sahələrini bilən, rəqəmlərin

arxasındakı maliyyə məntiqini anlayan, problemləri özü müəyyən edən və həll

yolları təklif edən, məsuliyyət götürməkdən çəkinməyən güclü mütəxəssis

axtarırıq.

Bu vəzifəyə seçiləcək şəxs şirkətin mühasibatlıq proseslərinin

inkişafında aktiv iştirak edəcək və perspektivdə Baş mühasib vəzifəsini tam şəkildə

üzərinə götürmək üçün hazırlanacaq.

Əsas vəzifələr

• Mühasibat

uçotunun bütün əsas istiqamətlərinin düzgün və tam aparılmasını təmin etmək;

• Kassa,

bank, satış, alış, debitor və kreditor əməliyyatlarını idarə etmək və nəzarətdə

saxlamaq;

• Təchizatçılar

və digər qarşı tərəflərlə hesablaşmaları və üzləşdirmələri aparmaq;

• Anbar

və mal-material uçotunun mühasibat məlumatları ilə uyğunluğunu təmin etmək;

• Restoran

və catering fəaliyyətinə xas satış, alış, anbar, istehsal və digər əməliyyatların

uçotunu koordinasiya etmək;

• Əməkhaqqı,

məzuniyyət və digər ödənişlərin düzgün hesablanmasına nəzarət etmək;

• Vergi,

DSMF və digər məcburi hesabatların hazırlanmasını və vaxtında təqdim edilməsini

təmin etmək;

• Aylıq,

rüblük və illik maliyyə hesabatlarını hazırlamaq və təhlil etmək;

• Mühasibat

sənədlərinin qanunvericiliyə uyğunluğunu yoxlamaq;

• Debitor

və kreditor borcların vəziyyətini təhlil etmək;

• Maliyyə

göstəricilərini rəhbərliyə düzgün və vaxtında təqdim etmək;

• Mühasibatlıq

proseslərində səhvləri və maliyyə risklərini əvvəlcədən müəyyən etmək;

• Mövcud

proseslərin təkmilləşdirilməsi və daha effektiv uçot sisteminin qurulması

üzrə təkliflər vermək, süni intellektin bu sahədə tətbiqində maraqlı olmaq

• Mühasibatlıq

komandasının fəaliyyətinin koordinasiyasında iştirak etmək;

• Şirkətin

böyüməsi ilə paralel olaraq mühasibatlıq strukturunun inkişafına töhfə

vermək.

Namizədə tələblər

• Aparıcı

mühasib vəzifəsində minimum 3 il iş təcrübəsi;

• Rəsmi

mühasibatlıq sahəsində 5-7 il peşəkar təcrübə;

• Maliyyə,

Mühasibat uçotu, İqtisadiyyat və ya əlaqəli ixtisas üzrə ali təhsil;

• Vergi

və əmək qanunvericiliyi üzrə bilik;

• IIKO

proqramında işləmək bacarığı arzuolunandır;

• MS

Excel üzrə yaxşı bilik;

• Mühasibat

uçotunun bütün əsas sahələrini müstəqil şəkildə idarə edə bilmək bacarığı;

• Maliyyə

hesabatlarının hazırlanması və təhlili üzrə təcrübə;

• Analitik

düşüncə və yüksək məsuliyyət hissi;

• Rəqəmlərlə

dəqiq və sistemli işləmə bacarığı;

• Qərar

qəbul etmək və məsuliyyət daşımaq qabiliyyəti;

• Baş

mühasib vəzifəsinə keçid üçün peşəkar potensiala malik olmaq.

İş şəraiti

• İş

yeri: Bakı, 8 Noyabr pr. 23

• İş

rejimi: Tam iş günü

• Əmək

haqqı: Namizədin təcrübə və peşəkar səviyyəsinə uyğun olaraq müsahibə əsasında

müəyyən edilir.